करङमा झुण्डिएको अभिशप्त जिन्दगी

जीर्ण-जीर्ण
करङहरुमा
अभिशप्त जिन्दगीहरु
उँधोमुण्टो एकनाश-एकनाश
झुण्ड्याएर
अपुताली क्षितिज
नपुंसक आकाश
असिनपसिन च्याइरहेछु,
नवोदित कालो पर्दालाई परेलीको बाटोबाट

स्वस्नीले भांडाकुँडा
बिक्रयमा अनुबाद दर्ता गरेर
आएका कागजी खोस्टाहरुको
स्मरण करेण्टहरुमा आइरहन्छ
अनवरत स्मरणपटलमा
अब्यक्त ब्यथा र आक्रोशहरुको
भीषण पहिरो गइरहन्छ
निमेष निमेषमा गइरहन्छ ।

No comments:

Post a Comment